Deivik Kakluticho Zomo
Odette Fernandes – Source: SVAS April 2024
Amcho Dev soglloch mogall ani kaklutsar. Jezun Sr. Faustina Kowalska udexim amkam hem Devosanv thavem kelem. Bhag. Pap Saib Juanv Paulu II hannim Paskancho dusro Aitar Deivik Kakluticho Aitar mhonn porgott kelam.
Hem Deivik Kakutichem Devosanv suru korcheak eke Carmelite Monasterintlo, hea sonvstecho Br. Melwino Alphonso amchea firgojent ailo. Tannem hea Devosanvam vixim zaitem uloilo ani ek Core Committee vinchun kadli. Tednam Fr. Urbano Menezes amcho Pr. Vigar aslo. Punn Covid-ak lagon hem Devosanv suru zalem nam.
Boro Gonvlli aplea xelliank panchvo char chorov dita. Amchea novea Pri. Vigaran Fr. Rocklin D’Costan aplea xelliank ulo kelo ani 9-ver Dezembrache 2022 vorsa poilech pavtt amchi zomat zali. Tednam ami 12 vangddi aslim. Dor Aitara, dor Misank amcho Pri Vigar Deivik Kaklutichea zomea voilean uloilo ani amcho ankddo vaddot ravlo. Aiz ami 41 vangddi asam. Dor mhoineanchea nimannea Sunkrara amchi zomat zata.
Hea Deivik Kaklutichea zomeachim Core Committee zavn asa:-
1) Otmik Guru/Spiritual Guide-Rev. Fr. Rocklin D’Costa.
2) Prothinidi/Animator- Mrs. Margaret Dias.
3) Adhari Prothinidi/Asst. Animator-Mrs. Odette Fernandes.
4) Chitnis/Secretary-Mrs. Sarita Mendes.
5) Adhari Chuitnis/Asst. Secretary-Mr. Melwin Mendonza.
Deivik Kaklutichi bhokti hea char muddeancher bandleli asa:-
1) Deivik Kaklutichi Tersachi ucharnni.
2) Devache utra vorvim amchem Kristi jivit novsorunk.
3) Deva Bapa sarkim ami kaklutsar zaunk.
4) Ami doialleo kornneo korun, peleachea gorzank pavunk.
Hea zomeacho vaur:-
1) Piddestank bhett korunk; magnneachi rit korunk.
2) Konn mellelim asa tanchea ghoranim bhett korunk ani tanchea ghoranim magnneachi rit korunk.
3) Jednam Deivik Kaklutichea zomeachim misam asa hea misachi mandavoll korunk ani misant urbhen bhag gheunk.
4) Deivik Kaklutichi xikovnn porgott korunk.
5) Amchea firgozkarank Deivik Kaklutichi ollokh diunk ani tankam hea zomatik haddunk vavrunk.
6) Bhukeleak jevonn, tannel’leak pivonn hi doiall kornim monnant dovrun vorsak don pavttim tori anik odik korun hea korezmachea disamnim ek miller toiar korop ani tantun poixe soddam ghalop. Fuddli zomat zavchea poili, te poixe mezop ani eka gorib monxeak divop zav Kristanv, zav Konknno.
Amcho zomo vaddonk ani choddonk ani Jezu bhaxen doiall ani kaklutivont zaunk dusream sovem, Ho zavn asa amcho kherit anvddo.
Leave a Reply